سأحكي اليوم قصتي كاملة الواقعية التي حصلت معي مع احمد ماذا حصل بالتفصيل
احمد كان جار لنا في نفس الحارة التي اسكن بها وكنا دائما نلتقي, وحسن كان شاب وسيم وجميل جدا ويلفت انتباه اي فتاة يلتقي بها لأن امه لبنانية ولدية صفات امه,المهم في يوم كنت بالدكان عم اشتري ربطة خبز وكم غرض وصلت لحاسب عن الأغراض الي اشتريتهن ولا بيقلي الحساب مدفوع سألتوا مين دفع...؟
حكالي احمد دفع عنك طبعا هذا موقف لفت انتباهي واطلعت علية وتبادلنا النظرات بين بعض وحكيتلوا يسلم ايديك,وابتسمت وهو كمان وهنا كانت البداية بيناتنا, وبنفس الليلة اكتشفت انو باعتلي طلب صداقة على الفيس بوك وطبعا قبلت الطلب فورا وكنت فرحانة كثيرا جدا وبلشنا نحكي على الخاص كل يوم لمدة شهر وكان قمة بالاحترام معي وكل يوم يزيد تعلقي فيه.
وبيوم حكاني وقلي بدو يشوفني واتفقنا نلتقي بالمطعم وبالفعل تاني يوم فقط بكير وكنت مبسوطة كثير ولبست اجمل لباس عندي وجهزت نفسي على اخر طراز مع انو الموعد الظهر بس من الفرحة قعدت اعد الساعات والدقايق وكمان الثواني, وبالفعل رحت على الموعد قبل ب ربع ساعة والتقينا وكان جايبلي معو هدية دبوب لونوا احمر بيجنن كثير وصار يحكيني كلام حلو كثير اول مرة بسمعوا بحياتي وصار يحكيني شعر كمان.
وهون اعترفلي انو بيحبني وانا كمان اعترفتلوا اني بحبو كثير وكان هذا اليوم اسعد يوم بحياتي ,واحلى لحظة لما حكالي انا بحبك حسيت قلبي طار من الفرحة احساس حلو كثير بس ياريتني كنت بعرف شو مخبيلي ورا هاي الكلمة, وبعدها صرنا نلتقي اكثر مرة تحت البيت مرة بالطريق مرة بالسوبر ماركت ومضت الايام ومر 5 شهور على حبنا انا واحمد.
بعتلي رسالة قلي رهف انا مش مبسوط معك وحابب يقضي وقت اكثر معي بدون خوف من انو حدا يعرفنا يشوفنا ونقدر نقعد براحتنا طبعا انا صدقتوا وقلتلوا حاضر الي بدك اياه انا جاهزة حكالي انو عندو بيت رفيقوا نقدر نلتقي ونحكي ونقعد براحتنا,قلتلو طيب نلتقي برة ليش يعني بيت شو سبب قلي ما بيزبط بدك بدك مابدك لازم ننهي العلاقة الي بيناتنا,وانا هون جنيت كنت بعشقوا ما بدي اياه يتركني المهم بالأخير واقفت كرمال ما يزعل مني.
اسفة على الاطالة وبعرف اني ذكرت تفاصيل مش مهمة لكن من قهر قلبي والله المهم راح كمل قصتي بموضوع تاني.
