ساتكلم اليوم عن قصة حقيقية واقعية حدثت معي وماذا حصل بيني وبين ابن عمي
كلنا لدينا قرايب ولاد عم وولاد خالات الموضوع عادي جدا المهم كان لي ابن عم اسمو خواند بس ساكن بعيد عنا المهم بسبب حالة اهلي المادية اظطرينا نبيع البيت ونروح نسكن بنفس المنطقة الي ساكن فيها ابن عمي خواند,لأنو ألنا أرض هنيك ورثة ل بابا مختصر القصة زاد تعرفنا على بعض انا وخواند وصار يعرفني على المنطقة وصحاب المحلات وصار يعزمني على مطاعم وكفتريات,وللصراحة انا حبيت ابن عمي من اول لقاء بمعنى ارتحتلوا نفسيا.
يوم حكاني على الفيس بوك الماسنجر يحكيلي بدو يحكيني شغلة وقلي بتمنى ما ارد عليه بسرعة واخذ وقتي وقلي يا رهف امانه ما اتسرع بالأجابه واتخاذ القرار الصح بصراحة انا تكركب حكيتلوا قلي شو في حكالي ان بيحبني انا هون نط من الفرحة ما كانت واسعيتني مبسوطة كثير وعملت متل ما بدو انو ما رد على رسالتوا واخذ وقتوا مع اني كنت حابة رد علية واحكيلوا انو انا بحبو كمان وبعشقووووا بجنون.
تركت الموضوع يومين وباليوم الثالث حكاني وقلي صباحو رهف شو صار معك فكرتي حكيتلوا ما ينفع ارد عليك على الواتس اب تحب نلتقي بشي مكان وبالفعل قلي حددلي كافتريا على ساعة 3 العصر والتقينا وكنت مجهزة حالي على أخر طراز ومتشيكة بالمصري وقلتلوا انوا انا بحبو كمان,وهو ظحك وانبسط كثير ومن هون بلشنا وابتدا الحب والغرام بيناتنا والعشق والهيام وصرنا كل يوم نحكي مع بعض لساعات طويلة بالليل, وصارت زياراتوا لعنا على البيت تكثر كثير وكل ما يجي لعنا بفرح وبنبسط بس اتفقنا انو يكون كبداية كل شيئ بيناتنا حكالي مشان العادات والتقاليد ومشان ما يمنعونا نشوف بعض او نحكي مع بعض وانا مثل الهبلة صدقتوا.
طورت العلاقة بيناتنا كثير وصار كل فترة يحكيلي انو ما عم يشبع من شوفتي وحابب نطلع بعيد عن المنطقة الي ساكنين فيها وانا كنت مثل الهبلة صدقتوا اول شي لانو ابن عمي وقرابتي مستحيل يعمل شي يسئ لي,وافقت وقلتلوا موافقة حبيبي وين ما بدك انا بروح معك.
تكملة القصة بموضوع تاني ما بدي طول عليك بالمقالة.